空閒的一天...好好利用?

五月 14, 2006 at 4:41 下午 (未分類)

Off-topic:

唔想開多篇講尋日...所以係度輕輕一講...

倫理個壁報終於係早會時間差唔多完既時候...完全整好!!

個壁報既內容唔算多...不過因為前一日有D技術問題...搞到今日先做好...

我知道蘇B著重presentation多過壁報...

我預備左兩份講稿...我係度諗緊搵邊個講...最尾搵左傻豪...

份講稿都幾長下...差唔多三千字...

我同傻豪每人大概講一半...

雖然大家都唔太知入面講咩...

但我都盡量扮到勁明白咁...講得流暢D...

傻豪就有少少騰雞...

呢樣野蘇B最尾都有講番...

最尾由一篇禱文結束...

結果有9分!!哈...中文果個都冇咁高...


今日有「我和老師有個約會」...淨係需要上尾三堂...

唔知點解好似好難過咁...兩堂Maths + 一堂Geog...

跟住有部份同學已經番得屋企...唔駛見老師丫嘛...

我上年都係咁樣偷雞...

十一點先見...仲有成個鐘...點過呢?

周圍行...周圍行...最尾又番番班房...

葉有毛班友係度捉飛行棋...捉到好high...

足足遲左二十分鐘...Ms許先黎到...

馬文浩仲要插隊...

落左去樓下canteen等...

D人係度玩UNO...

我、傻豪、簡水同owen無聊到玩搭卡...

次次岩岩塔起就被風吹低...

最尾都係玩番UNO算=="...

由於得大約一半既UNO...而呢一半勁多特別牌(reverse、draw 2/4、skip)

試多一draw就draw成20隻...要拎哂成疊牌...

然後你draw 20隻都冇用...唔夠牌...

一次過skip 10個...reverse狂cut...哈...癲!

差唔多十一點就上番去...仲未得...

見到CB、PKK等人...原來CB都未見...

我地決定夾埋成班(六個人)一齊見...慳番D時間...

係等緊既時間...佢地玩埋D勁變態既野...

猜包剪揼...輸左要比人用手指彈手臂一下...

彈到隻手勁紅...好似要流血咁....

到我地見喇...一開波Ms.許就狂講自己既野...

然後就問下問題...問我地想做乜...

跟住集中講PKK...因為佢讀埋今年會去美國...

佢講到乜都係佢阿媽叫佢做就做...自己都冇咩主見咁...

然後問淫亨第時想做乜...我同傻豪即刻爆「飛機師」出黎...XDDDD

本來Ms.許諗住繼續講...我就講左句:「唔..時間都差唔多喇」

然後佢問完每一個人既家庭情況就完左喇...

本來GERMAN叫我去打麻雀...我話落一落canteen搵人...

跟住就又唔見左人喇...

Lius又話去唱K...又唔見左人...

想上去室內場黐波打...唉...不過算啦...

最尾留左係canteen...捉左幾盤棋...

一路聽住mp3...一路做左熙既人肉枕頭...

差唔多一點...熙話走...我以為去食飯啦...

原來唔係...係度周圍行...

一點四...好多人係門口等...我都覺得奇怪...

原來都係見羅美卿...而家我先知咩事...

羅美卿話太多人...出到去又話叫埋淨低既人去...

不過...「淨係3B架咋!」

我都有少少無奈...又冇理由番屋企架...都冇野食...

淨番譚進明行下面...

我就咁決定:如果佢地唔係去酒樓...就跟埋去...否則唔跟...

結果...結果就當然跟唔到...

佢地咁多人唔去酒樓都冇咩其他選擇...

我同譚進明去左麥記食...食完就番屋企...

番到屋企...發覺左手老鼠仔位置好似出熱痱...

阿媽就話皮下出血...

什麼!?皮下出血!!?哪是什麼名堂?聽似很嚴重耶...

可是...我才懶得管它...

照打波可也...

一開頭打得完全唔上力...步法生疏...

又開始唔識跳殺嚕...

另外...今次測驗真係...

可以話好彩...亦可以話慘不忍暏...

好彩既係...有部份科目考得差...排名都有20外內...

慘不忍暏既係...數學跌出一百名...><

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s

%d 位部落客按了讚: